الأسئلة الشائعة
كيف بتحددو الأسر البتستحق الدعم؟
حالياً، بيت حبوبة بيقيّم كل حالة على حدة، وبيدي أولوية للأسر القاعدة حالياً في السودان. ديل أكتر الناس المتأثرين، وكثير منهم عايشين في ظروف صعبة جداً بدون أمان ولا دعم
طرق الدفع البتقبلوها شنو؟
حالياً نحن بنقبل التبرعات عن طريق دونوربوكس. ممكن تساهم باستخدام طرق دفع مختلفة، زي كروت الائتمان/الخصم، سترايب، وآبل باي. لما تتبرع، بتقدر تختار الطريقة الأنسب ليك
ممكن أتبرع شهري؟
أيوة! لمن تتبرع عن طريق دونوربوكس، بتقدر تختار تتبرع لمرة واحدة أو شهري لصندوقنا العام. التبرعات الشهرية بتخلينا نخطط لقدام ونقدم دعم ثابت
كيف أضمن إنو تبرعي حيوصل للمكان الصحيح؟
كل تبرع بنرسله مباشرة لشريكنا الموثوق في الميدان – منظمة سواعد، وهى جمعية خيرية سودانية بتشتغل بالشراكة مع الجامعه الوطنيه في السودان; عندهم علاقات قوية مع المجتمع المحلي وخبرة سنين طويلة، وهم أهل للثقة في توصيل الدعم للمكان الصحيح
الأموال بتستخدم بس لشراء مواد البناء وأجور العمالة المحلية. نحن ما بندي قروش مباشرة للأفراد عشان يصلحوا بأنفسهم
إحنا ملتزمين نوافيكم بتحديثات دورية وقصص من الميدان عشان تشوفوا بالضبط كيف دعمكم بيساعد ويعمل فرق
هل ممكن أتطوع أو أشارك بأي طريقة تانية غير التبرع؟
!نعم
نشر رسالتنا ومشاركة منشوراتنا في وسائل التواصل الاجتماعي من أفضل الطرق للدعم. لو حابب تشارك في جمع التبرعات، اتواصل
معانا على إنستجرام
هل بيت حبوابة بيقدر يرجع التبرعات؟
:لو شايف إنو حصل خطأ في تبرعك، أرسل لينا على الإيميل حنحاول نساعدك ونحل المشكلة بأسرع وقت
habobashouse@hotmail.com